| NiCoLe's profile。○°。☆.°★°。我呼吸就能忘记做错的过去 生...PhotosBlogLists |  Tools  Help |
|
July 27 Moody because of...2009.7.24 -7.26 Friday - Sunday, Vision Valley, 迷圖Ecamp
 今年係我第二次去CPCCSF Ecamp，有個好美善の目的亦不斷為呢樣野去祈禱，好感恩我哋由朋友變爲主內姊妹。我誠然唔係好識安慰人但係我哋share相同既境况，我可以靠神呢幾年一路行過來，我相信你都可以。There's something called put yourself into the others' shoes, 好難相信5年前果個情緒崩潰既人，果3個月每晚都喊，唔知聽日點算，屋企人又唔喺身邊，所有計劃都落空，唔可以一齊，唔可以留低做野，唔可以申請去澳洲讀書，唔知點算既我可以用我過去呢段經歷去安慰今日喺苦境既你。人大個啦，唔可以隨隨便便喺人哋面前喊，只係希望有人去聆聽，而呢個人真係明你既感受，而唔係敷淺你，答“哦，恩，啊”，我好慶幸我可以成爲你身邊既呢個人，呢個朋友。
當我去聽你既故事，我見度自己既影子，或者我哋呢一代人注定係漂泊，細細個就獨立靠自己，堅强既外表入邊其實都係有一個脆弱既心。因爲下邊仲有細佬妹，所以我哋要做一個榜樣，照顧佢哋即使佢哋係問題邊緣人。如果你有一個幸福美滿既家庭，由細度大都好陽光去成長，你要去感恩。我相信萬事都係互相效力，所以我哋既經歷將來可以去明白同樣經歷緊既人，縱然呢段人生會有陰影既時候。果段最難捱既時候我會睇番約瑟都喺監獄度7年先重見光明，約伯親人家業咩都無曬都依然相信神，默默地去渡過一定會有轉機。
喺camp除咗新朋友仲有弟兄姊妹。其實我哋都需要被人接納，"Open your hearts to one another as Christ opened His heart to you", 我哋真係要有相愛既心，好sad見度姊妹同姊妹之間既唔開心，弟兄同弟兄之間既嫌隙，神唔係講過喺你去敬拜祂之先要先去同弟兄姊妹和好，放低心中既梁木咩？去學習愛人我唸真係神俾我哋一生既功課，因爲呢條係誡命既第一條。我都明果種唔belong to既感覺，由年頭就萌生此意既我度咗而傢竟然發現我唔係唯一一個，都唔知係開心好定唔開心好。不過我相信神係用我做另一個見證囉，因爲我都係咁樣行過來所以我會安慰度妳，亦希望時間可以改變呢個好灰既feeling。我哋呢個大家庭可能真係會忽略咗一D人，但係我以caring大使之名保證，我會喺我力所能及既範圍內關心度每一個人，no matter how much time I need to spend on this, or how much money to spend on dining, haha...
I wrote a prayer here last year, it's still relevant to the situation we are in at the moment, so I will rewrite:
主啊，我愛你，爲你我願意放低一切伸冤既權力。我求主聖靈幫助我挪去所有攔阻我唔能單單要主既人、事、物，我真心祈求神賜俾我能够有一顆單純要主既心。我需要你主，因爲環境太過艱難，信心太過渺小，我需要袮引導我經過死蔭既幽谷。聖靈，教導我學會定睛仰望耶穌，幫助我真實經歷阿爸父既愛。我既安全感唔應該建立喺外在環境，聖靈，求袮帶我入靈裏既深處，得平安、喜樂、愛、自由同豐盛。慈愛既天父，求袮幫助孩子，讓我謙卑順服喺袮既旨意當中，成就袮所成就既，阿門。 July 09 门当户对又算什么
最近关颖出左本书 叫《上流感》除左披露上流社会一D富豪包明星等花边之事，亦带过自己既几段感情， 再一次验证到呢个千金小姐系一个敢爱敢恨、非常有自己想法既人。
第一次见度关颖系因为同郭品超做既偷天换日，跟住又有上大S同小S一齐做既“大小爱吃”就知道呢个女艺人唔系普通人既家世，至于前排既作品《心星的泪光》觉得个型同以前差唔多，无乜变化。不过网络上对呢本书既评语同节录令我有D兴趣去书局逛逛，不过唔知呢边有无甘快运到来呢。
喜欢自在和相爱的人交往，对于上流社会要门当户对既规则，关颖答“两个相近的灵魂在一起，这才是我真正认为的门当户对。”系美国纽约读书交往7年既人系今生唯一接近门当户对既，不过都系分手收场，而同一D外界一致不看好既人交往更加证明我行我素，唔理他人目光，只追求属于自己既幸福。
讲既容易，做既难。当我地18岁爱得死去活来，其实对方唔一定系最适合生活一世既人。到左25岁，更加慎重交往对象系咪值得托付，两个家庭系咪能够彼此沟通，受到屋企人同身边友人既祝福。我只系希望可以舒舒服服去恋爱，稳度一个喜乐、令我一辈子快乐既人，同理，能够令我快乐应该都会令我既家人快乐既，要对自己有信心有规划，无论你处于人生边一个阶段都深信神系有带领，掌管你生命既父。
《我们结婚了Season 2》见度静茵同勇俊拍拖3年，男既再无花心思系event，女既非常唔like勇俊既朋友，更加好笑既系连求婚都无咩特别，真系心都淡，或者都见度你同我之间既影子，身边朋友既影子。不过主持都讲左句好中肯既说话，而家求婚来来去去都系果D，一定要创新又真系几难。不过如果你有心，我相信都唔难做度既，并唔系唱情歌先冧度人嘎。到左婚前要做既检查呢个环节，第一样系资金状况。哈哈哈，个男既有10几本存折、几只基金而个女既存折就只有几百蚊。之后就去地产中介稳屋，又想住大屋，又要有view，又要系双方家长中间既地段，仲要系住得好D定去好D既蜜月旅行之间选择，头都大晒。跟住要去精神科会诊，其实应该系婚前辅导，检查双方性格差异啊甘。个男仔有个差10岁既妹，所以细细个就学识照顾人，系妈妈度学得理财既观念等。相反个女仔，上有差8岁同10岁既哥哥，屋企人都宠呢个公主更是不在话下。所以两个人其实好互补，所以嗌交都在所难免，因为expectation唔同。然后个医生就叫距地重演翻平时嗌交既情景不过将自己代入对方既角色，第一个情景系个女仔揸唔定主意，一阵话去食pizza，又话去食ice cream，跟住去度又话唔食，两个人就言语上重重伤害对方；第二个情景系男仔要去同D哥们去饮酒，女仔话唔好去，男仔话你又陪唔度我点解唔去得，女仔话甘之后你陪我唔度我就稳其他男既陪我，得唔得啊，其实就系互相试探对方究竟系咪我最重要。第三个情景系，女仔叫男仔唔好食甘多烟，扮出来个样真系好好笑。Anyway，下一集系讲度双方家长见面，紧张紧张啦～
特别为果D正处于屋企人对于交往对象唔首肯既女友们，千万唔好灰心，因为父母都系紧张你地，希望你地过得好，而你系知道自己要乜，两个人系向住同一个目标前进既，我相信冰山都会俾你地劈开既！会继续为你地祈祷，希望你地系工作上都顺利，唔好受甘多气翻度屋企仲要俾人日蛾夜蛾啦，哈哈哈哈。 |
|
|
