五月已經差唔多過咗一半，一直想冩既BK終于出爐，噔噔噔噔，哈哈哈哈 ^@@^

每一個月既第一個禮拜五晚都係團契既祈禱會，大家放工放學之後就一齊食飯喺教會同心禱告，我哋每一日既步伐都好匆忙，而我哋可以安靜我哋既心去同神傾偈實在係一件好美好既事。完咗，大家仲討論緊聽晚BBQ既安排，Felix突然對我嗌，“Nicole，聽日妳都係要坐我哋既car boot去度Strathfield啦，哈哈！”交通，令人頭痛既安排。

禮拜六番工，因爲North Shore第二個學期第一日，所以其實都好忙，見度熟悉既面孔，亦有新生報到。最可愛既係一個daddy帯住個仔來，咩住個仔既書包，手度揸住盒KFC，仲要話，“Sorry，we are late。”先搞笑。6點準時走，去度city買埋個蛋糕都已經6點8、9，好彩Freddy&Paul來pick up我，咁去度Hunters Hill果度都係7點半未度，不過天都黑曬，仲要一去度，Donald就話，"Kylie, 真係俾你個烏鴉口講中，Nicole來都未有野食啊..." 佢哋6點幾來透爐透度而傢都未燒度，而個天就開始行雷閃電，我哋究竟可唔可以赶喺落雨之前食度野呢？我哋快D定落雨快D呢？好緊張既時候，有人慘叫：“哎呀，唔見D腸喔，燒野食點可以無腸呢？！”Then Haymon&Felix佢哋就揸車番屋企攞，不過佢哋走咗無幾耐既同時我哋終于可以開始燒丸，牛扒，豬扒。但係燒燒下，有雨滴落來，繼續行雷閃電，大家都無出聲。Chung終于開聲，“如果落雨我哋有無Plan B？”跟住開始落雨，有帽既帯帽，有遮既開遮，我哋真係擔遮燒烤。重點係雨勢無絲毫既减弱，仲越落越大，有人慶幸食咗幾粒丸，而我既牛扒就未等度熟果一個moment，8點幾我哋20個人終于决定撤退，開始執野，滅火，擔凳番D車度，轉移陣地去附近可以容納我哋咁多人既Paul's home煎扒食啦！成9點我哋好狼狽地去度提供場地既一個弟兄既豪宅，大家開始用吹風機、熨斗幫自己煖身，而小厨神就開始霸占厨房。出品真係非常有水平，定因爲我哋大家都餓過饑，所以每上一樣野都好快就清晒，不過沙爹鶏扒、咖喱鶏扒、蜜汁豬扒真係好好味啊！～ 食完supper仲有dessert，我哋準備既神秘蛋糕，幫Adrian, Kylie&Zoe慶祝生日。最後仲玩埋捉伊因，非常經典既厨房D橱櫃入邊、洗手盤下邊、門既後邊，真係非常crazy，玩度11點7、8先大隊人馬撤退。番度屋企都12點半左右，沖凉搞下聽日大組要報告既Prayer Partner訓覺已經係2點既事。

禮拜日竟然7點就醒咗，點解唔俾我訓耐D啊！！！準時番度教會，大組都好順利，見度尋晚有D人無番或者遲到，哎呀，千祈唔好俾人知啊。跟住崇拜，食飯，成基，完晒1點半多D，我哋小組今日gathering，而D學生話去做功課遲D去阿Fie度所以我就同Freddy去買餸。2點幾3點去度Eastwood都好多人買餸，我哋照住張清單買野，所以都無用太多時間，3點8就去度阿Fie屋企。Yeah，可以玩Wii Fit，竟然磅完我體重話我underweight@@，而平衡重心就靠右邊傾。玩咗D高難度既真係好唔得，真係要做多D運動先得啦。5點度Kobe車埋Cathy&Yano來，大家一齊玩Mario Kart，更加發現自己玩呢D揸車游戲好渣><!!! 6點，我哋開始有sharing既時間，發現我哋每一個個體真係好唔一樣，好感嘆神既創造。7點，Ewing同Kevin仲有Ashley BB都來埋，可以開始打邊爐啦。希望我哋呢個小組今年會有成長既空間，當然亦都希望會有一齊玩既時光啦，哈哈哈哈。又有神秘蛋糕食，補祝番Cathy同Yano4月底既生日，個蛋糕仲要係Kevin手車既助力D cream都移晒位，勁啊！番度屋企11點半，早D訓啦，今日先訓咗5粒鍾既我，聽日就知死啦-__________-

Monday，嚴重瞌睡症，打晒喊路，唔可以集中精神做野，所以晚黑9點就上床了。Tuesday，唸住可以赶番D進度，老細突然話：“我哋禮拜四去Port Macquarie，禮拜五番，你ok嗎？”晚黑，Iva 11點打電話來約我聽日食飯去CBC聽個培靈會，ok。Wednesday晚黑食飯，聽咗個基督徒喺金融海嘯裏邊既反思talk，都幾有意思不過10點半先番度屋企，執聽日出trip既野就真係…… Thursday, 8點既早機所以6點半就起身，去度機場過咗關老細就打電話來問我喺邊，我連逛下機場既時間都無。9點9去度開始做野，忙度無lunch食，5點幾我話今晚係late night shopping喔，咁我咪可以去行下街囉，老細就勉强放人。點知Port Macquarie既late night shopping係6點半咁解＝.＝ 最享受既係我既晚餐，其實今日就係一餐，可憐啊。我就去咗食意大利野仲有我既energy drink - chocolate milkshake, yum~ 番度我哋間boutique motel已經8點，開住電視就訓著。第二日起身，望住出面個海，真係心曠神怡啊，果然Ocean View係好享受嘎。食咗個continental breakfast，又開始做野，Karen要去Brisbane所以今次上來接手D數，以後都見唔度Sashi呢只來自西伯利牙既狗狗添，等我臨走同佢影張相先。3點我嗌咗個sandwich，因爲5點幾機，番度屋企可能都7點。果不其然，番度屋企6點9，我買咗個外賣番去，俾包租婆話，“你回來啦，我以爲你拍拖去啦～”我答佢：“沒有呀，我出差啦。”聽日又要番工，但係我精神上疲累，身體上就更加疲累。所以禮拜六安安靜靜坐成日，無出去番saturday fellowship。咁就又一個禮拜。

禮拜日竟然落雨，我喺山脚行上山，身都濕，今日係母親節，我早早哋發咗個信息俾媽咪。中午教會食咖喱鶏飯，我食咗兩碟，俾人質疑：“你食咁多既？”*.* 上完成基同一班弟兄姊妹去咗睇福音電影“流浪漢世界杯”，第一次睇影音使團既戲，ok啦，無話好特別。晚黑番屋企唸住同媽咪視頻，點知佢去咗阿姨度打拖拉機。第二日番工msn見度媽咪問番佢，話我知玩度11點半先番屋企，呢D係咪真係“有其母必有其女”呢，玩得咁開心，不過佢好D因爲佢中午訓咗個飽覺。

Another Monday，老爺子無番工，因爲佢太太65歲生日；Tuesday，忙度2點先食lunch；Wednesday，老爺子5月底去oversea渡假，叫我幫佢book Israel hotel，我成功幫佢穩度good deal，平過佢travel agent俾佢既价仲要唔使俾deposit，我覺得我真係太有潜質做office all arounder啦，lol... 半夜有個無number顯示既電話打來，我hello, 佢又hello，背後係一D好吵既聲音，我hung up，佢又打來。禮拜五，期待周末既到來，點知一番工老爺子就將佢tax return所有野交俾我，仲要做份occupancy report俾TM，話時話，TM個仔月尾17歲生日，佢呢個24孝老豆要買部車送俾個仔，就打電話問dealer咩車安全D，個dealer竟然話Corolla好過Golf…… Anyway，工作就算幾充實但係一個人既生活仍然要繼續過既。