| NiCoLe's profile。○°。☆.°★°。我呼吸就能忘记做错的过去 生...PhotosBlogLists |  Tools  Help |
|
February 29 今日係2月29日  呀，今日係四年一次既2月29，點都要留番個紀念吧～
好有緣分我係有中學同學今日生日嘎，祝佢生日快樂，雖然工作好忙要開OT，不過相信會有一班有心既人幫你慶祝既
 努力唸咗陣，但係都係唔記得4年前既今日我做過D咩，或者人總係善忘既。不過琴日睇度一條娛樂新聞話陳坤公開承認曝光既私生子就係佢個仔我仲記得，“没有仇恨过，就不会知道原谅。今日我反而享受到由原谅而得到的快乐，我原谅父亲的分离，也学会在适当的时候，原谅一下自己的过错。”果然係有性格既演員，認識佢係睇咗佢部《金粉世家》，憂鬱不羈驕傲既角色，最近出《花花型警》好似就係要打破呢個框框，變成一個睇得又打得既人。其實比憂鬱，我都係中意黃曉明多D，眼神一樣憂鬱但係又可以好陽光，剛强之氣喺《新上海灘》度表露無爲。
扯遠了，其實係想評論下佢果句說話既。人，喺憎恨一個人既時候通常都係因爲愛呢個人，無論係親人伴侶朋友，都一樣。憎恨花既力氣絲毫唔少過愛，到最后可以原諒，更加需要勇氣。有聰明智慧但係又執著，係我哋既共同點。人一生總難免會犯錯，但係并唔係每一個錯都唔可以原諒。當你怪你既父母每日吵交，無俾到你幸福既童年，而當佢哋年老你照顧佢哋既時候就其實已經原諒咗佢哋；愛你既人為咗不得已既原因離開你，憎恨佢過幸福快樂既生活既時候，其實你自己過得好擔心佢過得好唔好就係一種原諒；朋友之間就算幾好都互相有秘密，當秘密拆穿，你仍然裝作唔知道繼續交心既時候，就係諒解。何謂適當既時候，真係見仁見智，而唔允許自己犯錯或者就唔會發生原諒自己既情况。
最近睇完《黃金新娘》大結局同《遊戲女王》大結局，劇情好相似既係原來父母真係阻擋子女感情既最大一個障礙。其實有D同情志英呢個角色，用自己既方法愛英民但係就以傷害成個家庭為代價，所以佢係自私既，只會爲著自己而愛。希澈造型勁可愛，雖然演技有待提高，哈哈。同時睇住朱鎭模時裝同《飛天舞》既古裝造型，一個字，帥～
最近追既劇集似乎告一段落，不過神起潜水咗一年終于番來韓國錄綜藝節目，點到要捧場喔，再加上SJ亞洲巡迴演唱會，oh yeah~
  February 26 心留在原地
事情過咗個幾禮拜，心裏邊既大石好似已經移走咗，但係個坑好似仲會需要一段時間先會平番，所以只要一唸到泪腺就受到刺激。又唔係我可以控制到既，至少證明我唔係一個無淚水，喊唔出既成年人。 I wanna say thank you to果D知道又安慰過我既人，你哋既真心我全部收到，我會記得，無論係見面客氣咁問“你點啊，幾好嗎？”又或者email我叫我同神禱告從中必得到安慰既并爲我代禱既，當然仲有陪我食飯行公園玩我最中意玩既flying fox既妳，多謝晒，因爲有妳哋既陪伴我先可以撐過去。或者仲有一D想關心我既人，不過我無俾機會你…… 由細到大，我都好謹慎去做每一件事，唔會輕易將我既心情外露，所以恏多野都收收埋埋，到人大咗就更加唔會將自己既事主動對任何人講，有時候覺得人哋唔關心我其實我係無比機會人哋去關心自己。突然覺得城市好孤寂，心仍然留喺原地，唔通真係人越走越遠先會發現愛？好唔中意等，等人，等車，等野食，等出糧，排隊等俾錢，等電視劇中間既廣告，等一個禮拜更新兩集既韓劇，等落完雨可以洗衫晾衫，等洗完頭頭髮干，等microwave叮熱牛奶飲，等讀完書，等穏到工，等遇到一個比自己更瞭解自己既人。 有時候好想出賣自己滴感覺，做一個好唔一樣既自己，放開所有既責任，咩都唔理，拿住我既DC同iPod出行... 好耐都無將自己既心情冩出來，純粹發發牢騷，唔好太擔心我菈。 February 18 是出于神『我所遭遇的是出于你、我就默然不語。』 （詩39：9）
我由始至終都相信神將我安排喺呢個屋企，并唔系一個偶然，乃是出于神。我哋所遭遇既事，都系神叫我哋遇到既。
今日主日小組我仲提到過年我同公公webcam，食完飯就收到媽咪msg話公公走咗，我橫衝直撞入咗DJ穩rest room，刹那間眼泪就不爭氣咁滑落。我以爲我會好堅强，所以笑一笑就出來搭火車番屋企。喺站臺，媽咪打電話來，我，竟然就喺大庭廣衆既地方一邊講電話一邊韓。我曾經試過遇見一件開心既事，邊講電話邊笑，果陣會感謝神賜俾我哋歡笑。而今次，當我遇到咁不幸既事，由細到大最錫我既公公離開咗我哋既時候我都唔喺身邊，甚至乎最後一個知咩都幫5度手，我有小小埋怨神，因爲都系神叫我遇到既。
我哋來呢個世界本來就咩都無，走既時候亦咩都帯唔走。天父啊，我恏痛，恏難過。假如苦難背後是你要我哋學習既功課，你既恩典必夠我哋用，無你既容許，就算連一根既頭髮也不能跌落在地。公公只系睡了……
 |
|
|
