| NiCoLe's profile。○°。☆.°★°。我呼吸就能忘记做错的过去 生...PhotosBlogLists |  Tools  Help |
|
January 17 放假番來重新過上宅女の生活公司聖誕節放假三個禮拜，我番咗廣州20日，中間一直節目多多（無論係外出亦或網上視頻）所以一直無記錄住呢段時間。番來悉尼或者應該總結總結今次番去既得着。PS. 我今次番來又嘔，南航真係，無言……每年都一樣，waeyo...
2008年12月22日，一年無番屋企既我又再番到非常熟悉又好似有D陌生既呢個城市－廣州，前幾日氣溫都好高，就係我番來呢晚刮起咗風。24號晚同Abby&bf去睇蘇打綠既演唱會，青峰把聲直情滲入我個心，果種震撼，不得了～ 25號晚番咗一高中同學番開既教會舉辦既function，幾特別，完咗之後我哋4個人去咗飲野。好enjoy我哋無所顧忌既暢談，有講有笑，無特別收埋D咩，有果句講果句。而傢大家都踏入社會，佢哋甚至都做咗野2年幾，覺得大家D唸野成熟咗。不過莫生炒股票炒燶咗就真係俾我話佢幼稚，全民炒股佢竟然將出來做咗咁耐野D錢擺晒落去。而泖子去相睇就仲好笑，或者我哋大家都可以試試，哈哈。都有同一大班人食飯，就嘻嘻哈哈，欣話我今次番來成個人開心咗，無上年咁鬱悶，我笑，或者上年真係有太多野未settle同太多野擔心。佢個BB有6個月大啦，時間真係過得快，10年前我哋仲係高中生，而家佢就來做媽咪@@" 每次同軒見面總係講好多感情野。賎男真係唔止倪震，佢仲喺你身邊。呢個世界就算無人對你好，你都要對自己好D啊～ 兩個人拍拖，或者一開始嗌下交，頂下嘴，實屬正常，倘若長時間為咗對方犧牲自己，完全就晒對方，辛苦果個係自己，太多漂亮既藉口只會令你泥足深陷，不能自拔，最涼心係喺你需要佢既時候佢唔喺身邊。好多人今年結婚，睇樓買樓，時常唸，你係咪真係確定呢個係你一生一世廝守到老，陪你過日子既人呢，點先知佢係Mr Right放心呢？因爲已經聽到前兩年結婚既人開始離婚，結婚潮之後係離婚潮？！
2009年既NYE無去睇烟花，無再喺KTV玩倒數，唉，我哋唔再係青葱少年16、17歲，我哋每日過既日子係算計住份糧夠5夠交屋租，伙食費，交通費，交際娛樂，讀CPA會計師既費用，朝早番工一日忙到黑，放工仲要唸今晚買乜餸，番屋企煮飯洗碗。都係同屋企人住好啊，每日都有飯食。生活瑣碎事之餘，我都係要對自己好D，出去識多D朋友，玩的還是要去玩，你的新年計劃又係咩呢？ |
|
|
